„მხიარული არდადეგები - ზამთრის სეზონი“
„მხიარული არდადეგები - ზამთრის სეზონი“

”მხიარული არდადეგები - ზამთრის სეზონი” ამჯერად მსოფლიოს ყველაზე უცნაური სასტუმროების ათეულზე მოგითხრობთ:

 

1. Мalmaison Hotel, ოქსფორდი, ინგლისი.

ეს არის ყოფილი ციხე, რომელშიც ამჟამად 100-მდე ძვირადღირებული კომფორტული ნომერი და რამდენიმე კაფე-ბარია განთავსებული.

 

2. Jules’ Undersea Lodge, ფლორიდა, აშშ.

თავიდან ეს იყო სამეცნიერო-კვლევითი ლაბორატორია, რომელიც წყალქვეშ 6 მეტრის სიღრმეზე მდებარეობს. სასტუმრო გათვალისწინებულია ორ წყვილზე და აღჭურვილია ყველა აუცილებელი საყოფაცხოვრებო ტექნიკით: მაცივარი, მიკროტალღური ღუმელი, შხაპი და ა.შ. სასტუმროს ბინადრებს განუწყვეტლივ თვალს ადევნებენ სხვადასხვა ჯიშის თევზები, რაც ამ ადგილის მთავარ უცნაურობას წარმოადგენს.

 

3. Das Park Hotel, ავსტრია.

აქ მსურველებს სთავაზობენ დუნაის ნაპირზე ღამის გათევას ბეტონის მილში, რომლის დიამეტრი 2, ხოლო სიმაღლე - 2, 5 მეტრია. აქვს კარი და ფანჯრები. შიგნით დაგხვდებათ სანათი, საძილე ტომარა, საბანი და მატრასი. სხვა სასტუმროებისგან იმითაც განსხვავდება, რომ აქ ფასები ფიქსირებული არ არის და სტუმარი თავად წყვეტს რამდენი გადაიხადოს ღამის გათევაში.


4. სასტუმრო Kakslauttanen, ფინეთი.

ეს არის ჩრდილოეთ ფინეთში, ყინულზე განლაგებული ყინულისა და მინისგან შექმნილი ბუდეების მსგავსი პატარა ნაგებობები, საიდანაც სტუმრებს შეუძლიათ თვალი ადევნონ ცას. მიუხედავად მასალისა, ნაგებობები საკმაოდ თბილი და კომფორტულია, თუმცა განმარტოების მოყვარულთათვის ნამდვილად არ არის რეკომენდირებული.

 

5. Utter Inn, შვედეთი

ეს არის სტოკჰომლთან ახლოს ტბაზე მდებარე სასტუმრო, რომელიც ერთი შეხედვით დაივინგისთვის განკუთვნილ პლატფორმაზე განთავსებული პატარა ქოხი გეგონებათ. შიგნით მოთავსებულია ლუქი, საიდანაც ლითონის კიბის საშუალებით წყალგაუმტარ კამერაში ჩადის ადამიანი და რომელიც საძინებლის როლს ასრულებს.

 

6. ყინულის სასტუმრო, შვედეთი

59 ნომერზე გათვლილ ამ სასტუმროში, სადაც ტემპერატურამ შეიძლება -35 გრადუსსაც კი მიაღწიოს. არის საუნა, ბარი, გალერეა და კინოთეატრიც კი. მართალია, მატრასები ყინულისაა, მაგრამ არც ისე ცივია, რადგან მათზე ირმის ქურქია დაფარებული, საბნების მაგივრად კი თბილი საძილე ტომრები დაგხვდებათ.

 

7. Luxury Resort, სანტ-ანჯელო, იტალია.

ეს ოთხვარსკვლავიანი სასრუმრო 9000 წლის წინ კლდეში ნაკვეთ „შენობაში“ მდებარეობს. თითოეული გამოქვაბული ახლა ნომრის ფუნქციას ასრულებს. არის კაფე-ბარები და სამხატვრო გალერეა.

 

8. იურტების სასტუმრო, ესპანეთი.

ანდალუზიაში ზეთისხილის ხეებს შორის განლაგებულია იურტები, სადაც სტუმრები იღვიძებენ ჩიტების გალობისა და ზარების რეკვის თანხლებით, ძილის წინ კი უმშვენიერესი მთის პეიზაჟით ტკბებიან.

 

9. Hotel Monasterio, პერუ.

ქალაქ კუსკოში მდებარე სასტუმრო XVI საუკუნის მონასტრის შენობაშია განთავსებული და ზღვის დინიდან 3000 მეტრის სიმაღლეზე მდებარეობს. მთის დაავადებისგან სტუმართა დასაცავად, ნომრებში სპეციალური სისტემით ხდება ნახშირბადის მიწოდება.

 

10. Les Cabanes du Bois Landry, საფრანგეთი.

ეს არის პარიზიდან 90 წუთის სავალზე, პირდაპირ მუხის ხეებზე აგებული ხის ქოხები, რომლებიც ერთმანეთს კიბეებითა და ხიდებით უკავშირდება. ბუნებასთან მაქსიმალური სიახლოვის შესანარჩუნებლად, სასტუმროს მფლობელებმა არ გაიყვანეს არც ელექტრობა და არც წყალი.

 

 

გადაცემის აუდიო ჩანაწერი

 

You must have Flash Player installed in order to see this player.

 




ფოტოები